Италиянинг “Рома” клуби 14 август, шанба куни Марокашнинг “Ража” клубига қарши назорат ўйини ўтказди.
Элдор Шомуродов учрашувнинг 17-дақиқасида гол уриб римликларни олдинга олиб чиқди. Орадан уч дақиқа ўтиб, Жанлука Манчини орадаги фарқни оширди. Иккинчи бўлим дебютида Шомуродовнинг узатмасидан кейин Генрих Мхитарян ҳисобни йирик кўринишга олиб келди.
60-дақиқада Элдор захирага олинди. Қолган вақтда “бўрилар” яна икки бор рақиб дарвозасини ишғол қилди. 85-дақиқада Карлес Перес ўз ҳисобига гол ёздириб қўйган бўлса, 89-дақиқада Борха Маёрал якуний ҳисобни ўрнатди.
Маълумот учун, Шомуродов “Рома”даги кетма-кет иккинчи ўйинида ҳам гол урди. Aввалроқ ўзбекистонлик футболчи “Бетис”га қарши назорат ўйинида (2:5) гол урганди.
