Таиланднинг Бангкок шаҳрида 16 май куни юк поезди ва йўловчи автобуси тўқнашиб кетиши оқибатида 8 киши ҳалок бўлди, 33 нафар жабрланганга тиббий ёрдам кўрсатилди.
17 май ҳолатига кўра, жароҳат олганларнинг 15 нафарига шифохонадан жавоб берилган, 18 нафари эса даволанмоқда. Ҳозирча ҳалок бўлганлардан икки нафари Таиланд фуқароси экани аниқланган.
Бангкокдаги Police General Hospital суд-тиббий экспертиза бўлими маълумотига кўра, жабрланганлар орасида Ўзбекистон фуқаролари йўқ.
Маълум қилинишича, мазкур ҳолат Ўзбекистоннинг Таиланддаги консуллик муассасаси томонидан доимий назоратга олинган.
