Аввалроқ, кеча, 2 март куни "Uzbekistan Airways" АЖнинг учта самолёти билан 671 нафар Ўзбекистон Республикаси фуқароси Полшанинг Катовице аэропорти орқали Украинадан эвакуация қилингани ҳақида хабар берган эдик. Улар орасида 129 аёллар, 82 болалар ва 14 чақалоқлар бор экани маълум қилинганди.
Даракчи нашри мухбирлари эвакуация қилинган юртдошларимизнинг фикри билан танишди.
—Ҳаммаси яхши бўлди. Қийналмадик. Элчихонадаги акахонларга рахмат. Украинанинг Киев шаҳридан келяпмиз. Уруш бўлаётган ҳудуддан поездда ўтиб кетдик, овозини эшитдик. Биринчи бўлиб Ўзбекистонликлар эвакуация қилинди. Президентимизга катта раҳмат, — дейди фуқаро.
