Уч ойлик танаффусдан сўнг McDonald’s ресторанлари Россияда яна ишлай бошлади.
Манбаларга таяниб Zamon.uz' нашрининг хабар беришича, мамлакатда 13 июнь куни яна 50 та филиал очилади, ой охирига келиб 200 га яқин, кейинги ҳафтасига 50 дан 100 тагача ресторан очилади.
Тармоқ бош директори Олег Пароев "Пушкинская" майдонидаги рестораннинг очилиш маросимида яқин 5-6 йил ичида бундай масканлар тармоғи 850 тадан 1000 тагача кенгайиши мумкинлигини таъкидлаган.
Эслатиб ўтамиз, Россиянинг Украинага қарши "махсус ҳарбий операция"си бошлаганидан сўнг McDonald’s ҳам бошқа кўплаб хорижий корпорациялар сингари мамлакат бозорида фаолиятини тўхтатишга қарор қилганди. Бироқ компания ходимларини қўллаб-қувватлашда, уларга маош тўлашда давом этди.
