Кеча, 24 июль куни Ўзбекистон Республикаси Президенти Шавкат Мирзиёев 65 ёшга тўлди. Шу муносабат билан қатор хорижий мамлакатларнинг давлат раҳбарлари ва нуфузли сиёсатчиларидан табриклар билдирилди. Шунингдек, ўзбек фуқаролари томонидан ҳам давлат раҳбари номига ижтимоий тармоқлар орқали эзгу тилаклар йўлланди. Бу ҳақда давлат раҳбари матбуот котиби Шерзод Асадов хабар бермоқда.
Маълум қилинишича, Шавкат Миромонович қутловлардан беҳад мамнунлигини, табрик йўллаган барчадан миннатдорлигини билдирган.
“Меҳнаткаш ва бағрикенг, кўпмиллатли халқимизга ўзимнинг юксак меҳр ва эҳтиромимни билдиришдан беҳад мамнунман”, -дейди президент.
