Украина президенти Владимир Зеленский G20 саммити иштирокчиларига видеоалоқа орқали сўзлаб, Украинанинг Россия билан тинчликка эришиш бўйича таклифларини эълон қилди. Киев томонидан ишлаб чиқилган режа 10 бандни ўз ичига олади:
1. Украинанинг радиациявий ва ядровий хавфсизлигини таъминлаш.
2. Украинанинг озиқ-овқат хавфсизлигини таъминлаш.
3. Украинанинг энергетик хавфсизлигини таъминлаш.
4. Барча маҳбусларни ва депортация қилинганларни озод қилиш.
5. БМТ Низомини амалга ошириш ва Украина ҳудудий яхлитлигини тиклаш.
6. Россия қўшинларининг Украинадан олиб чиқилиши ва ҳарбий ҳаракатлар тўхтатилиши.
7. Адолатнинг қайтиши.
8. Экотцидга қарши кураш.
9. Эскалациянинг олдини олиш.
10. Урушнинг тугашини аниқлаш.
Шу билан бирга, Зеленский Россия тажовузига янги уринишларнинг олдини олишга қаратилган “урушдан кейинги хавфсизлик архитектурасининг асосий элементларини” бирлаштириши керак бўлган халқаро органни яратишга чақирди. Бундан ташқари, Украина раҳбари яна бир бор халқаро трибунал ташкил этишга чақирди, унинг мақсади Россиянинг Украинадаги ҳарбий жиноятларида айбдорларни жавобгарликка тортишдир. Владимир Зеленский Украина учун хавфсизлик кафолатларини Киев Хавфсизлик келишувида белгилашни таклиф қилди, унинг лойиҳаси аллақачон Киев томонидан ишлаб чиқилган ва ҳамкорларга таклиф қилинган.
Саммит иштирокчиларига қилган мурожаатида Зеленский G20ни “ўн тўққизталик гуруҳи” деб атади, у Россияни аъзоликдан чиқариб ташлаган. Украина президенти "Россия расмийлари томонидан қўлланилган ядро қуролининг ақлдан озган таҳдидларини" қоралади ва саммит иштирокчиларига, Россиядан ташқари, ядро қуролидан фойдаланишга йўл қўйиб бўлмаслиги масаласида бирдамликлари учун миннатдорчилик билдирди.
G20 саммити Индонезиянинг Бали оролида бўлиб ўтмоқда. Учрашувда Россия президенти Владимир Путин ўрнига Россия ташқи ишлар вазири Сергей Лавров иштирок этди ва сал аввал унинг аллақаон саммитни тарк этгани хабар қилинган эди. Саммит бугун ҳам давом этади.
