Аввал хабар берганимиздек, Парижда “Самарқандга йўл. Ипак ва олтин мўъжизалари“ кўргазмаси ўтказилади.
Мазкур кўргазмани очиш ҳамда Франция Парламентининг қуйи палатаси – Миллий йиғинида учрашув ҳамда ушбу мамлакатнинг етакчи компания ва банклари раҳбарлари иштирокида ишбилармонлик тадбирларида қатнашиш учун Ўзбекистон Президенти Шавкат Мирзиёев Францияга жўнаб кетади.
Давлат раҳбари матбуот хизмати ахборотига кўра, ташриф жараёнлари жорий йилнинг 21-22 ноябрь кунлари учун мўлжалланган.
"Кун тартибидан конструктив сиёсий мулоқотни янада ривожлантириш, кўп қиррали ҳамкорликни кенгайтириш, энг аввало, иқтисодиётнинг турли тармоқларида инвестиция лойиҳаларини амалга ошириш, фаол гуманитар ва таълим алмашинувларини давом эттириш масалалари ўрин олган", — дейилади маълумотда.
Маълум қилинишича, бундан ташқари, шу кунларда Парижда Франциянинг «MEDEF» тадбиркорлар ҳаракати кўмаги билан ташкил этилган бизнес форум бўлиб ўтмоқда.
