Қозоғистон президенти Қосим-Жомарт Тоқаев Россия президенти Владимир Путиннинг таклифига биноан расмий ташриф билан Россия Федерациясига келди, деб хабар қилди "zakon.kz"
Маълум қилинишича, бугун, 28 ноябрь куни Москвада давлат раҳбарларининг музокаралари бўлиб ўтади.
Бундан ташқари, икки давлат раҳбарлари Қозоғистон ва Россия ўртасидаги минтақалараро ҳамкорлик форуми ишида видеоконферецалоқа орқали иштирок этади.
Эслатиб ўтамиз, 20 ноябрь куни Қозоғистонда муддатидан олдин президентлик сайловлари бўлиб ўтди. Марказий сайлов комиссияси маълумотларига кўра, президент Тоқаев 81,31 фоиз овоз билан қайта сайланган. 26 ноябрь куни Остона шаҳрида Қосим-Жомарт Тоқаевнинг Қозоғистон президенти лавозимига киришиш маросими бўлиб ўтди.
