Аҳмад Закаев, шунингдек, Мюнхен суди чечен блоггери Тумсо Абдураҳмоновнинг тириклигини эълон қилди. Бу ҳақда "Кавказ. Реалии" нашрига таяниб "meduza" хабар қилмоқда.
Чеченистонлик собиқ дала қўмондони Аҳмад Закаевнинг сўзларига кўра, аввалроқ ОАВ томонидан қотиллиги ҳақида хабар берилган чечен блоггери Тумсо Абдураҳмонов тирик. Маълум қилинишича, Абдураҳмонов Швеция полицияси ҳимоясида.
Эслатиб ўтамиз, Тумсо Абдураҳмоновнинг ўлдирилиши ҳақидаги илк хабарлар 1 декабрь куни пайдо бўлган эди. Ҳуқуқ ҳимоячиларининг айтишича, у акаси билан алоқани тўхтатган. Бир неча кундан кейин унинг ўлдирилиши ҳақида Чеченистон мухолифатининг 1ADAT телеграм канали, шунингдек, унинг шерикларига ишора қилган Озодлик радиоси хабар берди. Абдураҳмонов сўнгги йилларда яшаган Швеция полицияси унинг ўлдирилиши ҳақидаги хабарларни тасдиқламади.
8 декабрга келиб, на унинг қариндошлари, на Швеция полицияси ва на Чеченистон расмийлари Тумсо Абдураҳмоновнинг ўлдирилиши ҳақидаги хабарларни тасдиқламади.
Маълумот учун: Тумсо Абдураҳмонов Чеченистон расмийлари ҳақида танқидий фикрлари билан танилган. 2015 йилда у Рамзан Қодировнинг қариндошларидан бири билан можародан сўнг Россияни тарк этган. Абдураҳмонов Швецияда сиёсий қочқин мақомини олди. 2020 ва 2021 йилларда Абдураҳмонов ва унинг укаси Муҳаммаднинг ҳаётига суиқасд қилинган. 2021 йил декабрь ойида Тумсо Абдураҳмонов Чеченистонда унинг тўққиз нафар қариндоши ўғирлаб кетилгани ҳақида хабар берган эди.
