"Boeing 787 Dreamliner" бортида чақалоқ дунёга келгани ҳақида хабар берган эдик.
Бола 12 200 метр баландликда, Истанбулга қўнишга 50 дақиқа қолганида туғилган. Маълум бўлишича, чақалоқнинг онасига клиникадан кетишига рухсат этилган, бола муддатидан олдин туғилгани учун клиникада, шифокорлар назорати остида қолмоқда.
"Uzbekistan Airways" АЖнинг Туркиядаги вакили ёш ота-оналар билан учрашиб, авиакомпания номидан эсдалик совға ва гулдаста тақдим этиб, транспорт билан таъминлади. Болага Муҳаммад деб исм қўйилган.
""Uzbekistan Airways" унга мустаҳкам соғлик ва ҳаётда ўзи туғилиш бахтига муяссар бўлганидек юқори чўққиларни забт этишини тилайди", - дейлади хабарда.
