Тошкент шаҳри Олмазор туманида хонадонлардан бирида кўкнорига ўхшаш ўсимликларни ноқонуний равишда етиштирган фуқаро қўлга олинди. Ҳолат “Қорадори-2026” тезкор-профилактик тадбирлари доирасида аниқланган.
Ички ишлар вазирлиги маълумотига кўра, Тошкент шаҳар ИИББ, Олмазор тумани ички ишлар органлари, Давлат хавфсизлик хизмати ҳамда туман прокуратураси ҳамкорлигида ўтказилган тезкор тадбир давомида навбатдаги гиёҳвандлик билан боғлиқ ҳолат фош этилган.
Олмазор туманидаги хонадонлардан бири кўздан кечирилганда, томорқа ер майдонида 160 туп, баландлиги 20 сантиметрдан 1,5 метргача бўлган кўкнорига ўхшаш ўсимликлар парваришлаб келинаётгани аниқланган.
Мазкур ҳолат юзасидан далилий ашёлар белгиланган тартибда экспертизага юборилган ва ҳозирда қонуний чора кўриш ишлари олиб борилмоқда.
