Афро-америкалик Жорж Флойднинг ўлдирилиши бўйича шов-шувли ишда айбланган собиқ полициячи Дерек Шовин Америка қамоқхонасида пичоқланди. Бу ҳақда Assotiated Press хабар бермоқда.
“Дерек Шовин Аризона қамоқхонасида бошқа маҳбус томонидан пичоқланган”, — дейилади агентлик баёнотида.
AP манбаларига кўра, ижроия жазо тизими ходимлари собиқ полициячига биринчи ёрдам кўрсатган, шундан сўнг у касалхонага ётқизилган. Агентлик, шунингдек, Аризона қамоқхонасида заиф хавфсизлик ва ходимларнинг камлигини қайд этди.
Эслатиб ўтамиз, афро-америкалик Жорж Флойд 2020 йилнинг 25 май куни полиция ходими Дерек Шовин уни ҳибсга олиб, қаттиқ ушлаб, эркакни тиззаси билан бўғиб ўлдирганидан кейин вафот этди. Шундан сўнг аҳоли кўчаларга чиқиб, дўконларни бузиб, полиция бўлимларини ёқиб юборишни бошлади. Уларга бошқа шаҳарлар ва ҳатто давлатлар қўшилди. 2022 йил июль ойида Флойдни ўлдиришда айбланган собиқ полициячи Дерек Шовин янги ҳукм олди. У дастлаб афро-америкалик эркакни ўлдиришда айбланган, кейин эса жабрланувчининг фуқаролик ҳуқуқларини бузгани учун 20 йилдан ортиқ муддатга ҳукм қилинган. Кейинроқ Флойднинг ўлимига алоқадор яна бир полициячи уч ярим йиллик қамоқ жазосига ҳукм қилинди.
