Бухорода ноқонуний балиқ овлаган фуқароларга суд томонидан якуний жазо тайинланди. Бу ҳақда Экология вазирлиги хабар берди.
2023 йил 16 декабрь куни "Оғитма" кўлидан 4 нафар фуқаро Қизил китобга киритилган 12 дона Туркистон мўйловдори, 7 дона товонбалиқ, 17 дона зоғора ҳамда 1 дона мойбалиқни тақиқланган усулда, яъни тўр ёрдамида овлаганлиги аниқланган. Натижада табиатга 292 миллион 162 минг сўм зарар етказилган ва ҳужжатлар судга тақдим этилган.
Қайд этилишича, ҳолат юзасидан 3 нафар ҳуқуқбузарга нисбатан Жиноят кодекси 202-моддаси 3-қисми билан 4 йил 6 ой муддатга озодликни чеклаш жазоси тайинланди.
Шунингдек, яна бир ҳуқуқбузарга нисбатан Т.Р.га Жиноят кодекси 202-моддаси 3-қисмининг “г", "э", "ж” бандлари билан Жиноят кодекснинг 57-моддаси қўлланиб, 2 йил муддатга озодликдан маҳрум қилинди.
