Жорий йилнинг 7 январ куни соат 16:45 ларда Мирзо Улуғбек тумани Мустақиллик кўчаси 53-уй қаршисидаги пиёдалар йўлидан ўтаётган икки фуқарони автомобил уриб кетди.
Тошкент шаҳар ИИББ хабарига кўра, 2000 йилда туғилган ҳайдовчи Т.Л. BYD русумли транспорт воситасини бошқариб келаётиб оралиқ масофани сақламаганлиги оқибатида тартиб солинган пиёдалар ўтиш жойида ўзидан олдинда пиёдаларга йўл бериш мақсадида тўхтаган.1966 йилда туғилган З.Э. бошқарувидаги Nissan русумли автомашинасининг орқа қисмига тўқнашган.
Натижада тўқнашув зарбидан сўнг Ниссан автомашинаси қарама-қарши йўлакка ўтиб кетиб йўлни кесиб ўтаётган 2003 йилда туғилган пиёда А.Ў. ва 1992 йилда туғилган A.Зни уриб юборган.
ЙТҲ натижасида пиёдаларга биринчи тез тиббий ёрдам кўрсатилган.
Ҳолат юзасидан масъул ходимлари томонидан суриштирув ҳаракатлари олиб борилмоқда.
