Жанубий Корея Депократик партияси етакчиси президент Юннинг ҳибсга олинишини демократияни тиклаш йўлидаги “биринчи қадам” деб атади
Жанубий Кореядаги асосий мухолифат - Демократик партия етакчиси чоршанба куни президент Юн Сук Ёлнинг терговчилар томонидан ҳибсга олиниши мамлакат конституциявий тузуми ва демократияни тиклаш йўлидаги “биринчи қадам” эканлигини айтди. Корея Республикасининг Yonhap янгиликлар агентлиги шу ҳақда маълум қилган.
"(Бу) конституциявий тузум ва демократияни тиклаш ва қонун устуворлигини таъминлаш йўлидаги биринчи қадамдир", деган депутат Пак Чан Дай партия қонунчилари йиғилишида. Депутат Юнни 3 декабр куни ҳарбий ҳолат эълон қилиши орқали конституция ва қонунларни бузганликда айблаб, уни “жиддий жиноятчи” деб атади.
Эслатиб ўтамиз, Жанубий Корея президенти Юн Сок Ёлни терговчилар томонидан иккинчи уринишда ҳибсга олинди. Президент қароргоҳидаги кўп соатлик қаршиликлардан сўнг терговчилар бу сафар Юнни Коррупция бўйича тергов бюроси биносига олиб келишнинг уддасидан чиқишди. Терговчиларнинг Президентни ҳисбга олиш бўйича биринчи уриниши январ ойи бошида муваффақиятсиз кечган эди.
Аввалроқ Юн Сок Ёл қисқа видеомурожаат тарқатган, унда уни ҳибсга олиш ноқонуний эканлигига ишонишини, аммо қон тўкилишини олдини олиш учун терговчилар ва полицияга бўйсунишга қарор қилганини маълум қилган.
Декабр ойи бошида Жанубий Корея президенти мамлакатда ҳарбий ҳолат жорий этишга уриниб кўрди, шундан сўнг парламент уни исёнга уринишда айблаб, импичмент эълон қилди.
Юн парламент унга импичмент эълон қилиш учун овоз берган 14 декабрдан бери президентлик ваколатларидан маҳрум этилган. Бироқ уни лавозимидан четлаштиришдан олдин импичмент Конституциявий суд томонидан тасдиқланиши керак. Суд қарор қабул қилмагунича, Юн Сок-Ёл расман президент бўлиб қолаверади.
Абдуллоҳ Саййид
