Наркожиноятчилар 16 йил муддатга озодликдан маҳрум этилди. Бу ҳақда ҳуқуқ-тартибот идоралари darakchi.uz’га хабар берди.
Маълум қилинишича, Самарқанд вилоятининг Ургут туманида яшовчи, 2005 й.т. Д.А. ҳозирда жиноят ишининг унга нисбатан қисми алоҳида иш юритувига ажратиб олинган шахснинг топшириғига кўра,Тожикистон Республикасининг Сўғд вилояти Панжикент туманига бориб, наркосавдогардан аввалдан 100 минг АҚШ долларига сотиб олишга келишилган 20 кг. 747 гр. “опий” моддаси учун 20 минг АҚШ доллари беради.
Сўнгра, гиёҳвандлик воситасини “ўзбек-тожик” давлат чегарасига яқин бўлган жойга етказиб бериши кераклигини айтиб, Ўзбекистонга қайтади.
Орадан бир кун ўтиб, Д.А. ўзининг жиноий шериги бўлган Тожикистон Республикасифуқароси, 1995 й.т. С.М. билан айланма йўллар орқали Панжикент туманига боради ва келишилган манзилга нарокуръерлар етказиб берган 20 кг. 747 гр. “опий” гиёҳвандлик воситасини қабул қилиб олиб, Ўзбекистон ҳудудига қайтиб ўтган вақтларида, қўлга олинади.
Ҳолат юзасидан қўзғатилган жиноят иши доирасида олиб борилган тергов жараёнларидаушбу ноқонуний ишга Ургут туманида яшовчи, 1992 й.т. Ж.Р. ҳам алоқадорлиги маълум бўлди.
Жиноят ишлари бўйича Ургут туман суди томонидан фуқаролар Д.А. ва С.М.лар Жиноят Кодексининг 25,273, 223 ва 246-моддалариданазарда тутилган жиноятларни содир этганликда айбдор деб топилиб, уларнинг ҳар бири 16 йил 6 ой муддатга, фуқаро Ж.Р. эса Жиноят Кодексининг 28,25,273 ва 28,246-моддалари билан айбдор деб топилиб, 16 йил муддатга озодликдан маҳрум қилинди.
