Евроиттифоқ Сурияда фуқаролар уруши бошланганидан кейин жорий этилган санкцияларни бекор қилади. Бу ҳақда Европа дипломатияси раҳбари Кая Каллас маълум қилди.
"Европа Иттифоқи санкцияларни бекор қилиш масаласида тезкор ҳаракат қилишни мақсад қилган. Бироқ Суриянинг янги ҳукумати мамлакатда “нотўғри қадамлар қўйган тақдирда” қарор қайта кўриб чиқилиши мумкин" — дея огоҳлантирган Каллас.
Европа дипломатияси раҳбари биринчи навбатда қайси санкциялар бекор қилинишини аниқлаштирмади.
Маълумот учун: Европа Иттифоқи 2012 йилда, Башар Асад режими ва исёнчи гуруҳлар ўртасидаги қарама-қаршилик фуқаролар урушига айланиб кетганидан кўп ўтмай, Сурияга қарши санкциялар жорий эта бошлаган. Жорий этилган санкциялар асосан ҳукумат ва ҳарбий тузилмалар билан боғлиқ.
