Аввалроқ, ижтимоий тармоқларда оилавий жанжал сабаб чақалоққа қайноқ сув тўкилгани акс этган видеолар тарқалиб, кенг муҳокамаларга сабаб бўлган эди. Ушбу ҳолат юзасидан Болалар омбудсмани ўрганиш ишларини олиб бориб, расмий муносабат билдирди.
Маълум бўлишича, мазкур ҳолат жорий йилнинг 27 январь куни Тошкент вилояти Тошкент туманида содир бўлган.
Фуқаро Х.М. (1999 йилда туғилган аёл) қайнонаси М.Х. (1966 йилда туғилган) билан оилавий ўзаро жанжал юзага келган ва аёл келинига қарата ичида иссиқ сув бўлган "термос"ни отган. Оқибатда онанинг қўлида бўлган чақалоқ (23 кунлик) нинг оёқ ва қўл қисми куйган. Болага зарурий тиббий муолажалар кўрсатилиши таъминланган.
Ҳозирда туман ИИБ томонидан ҳолат юзасидан терговга қадар текширув олиб борилмоқда.
"Низо давом этишини олдини олиш мақсадида Х.М га бир ой муддатга ҳимоя ордери тақдим этилиб, қўйилган чекловлар оила аъзоларига тушунтирилди",- дейилади хабарда.
