Жиззах вилояти Дўстлик туманида 23 ёшли аёлни фоҳишалик учун сотиб юбормоқчи бўлган эркакка суд ҳукми ўқилди. Бу ҳақда Milliy телеканалида хабар берилди.
Қайд этилишича, 29 ёшли эркак ўзига нотаниш бўлган аёлни Россияга фоҳишалик қилиш мақсадида сотиб юбормоқчи бўлганида ушланган.
"Айбимга иқрорман, пушаймонман. Оилада ягона боқувчиман. Хотиним ҳомиладор ва бир нафар вояга етмаган фарзандим бор. Суддан енгиллик сўрайман", — деди айбланувчи.
Жиноят ишлари бўйича Дўстлик тумани суди эркакни Жиноят кодексининг 135-моддаси 1-қисми (Одам савдоси) билан айбли деб топди. Унга нисбатан 3 йил 6 ой муддатга озодликни чеклаш жазоси тайинланди.
