АсосийЖамият

Тошкентда болаларга лицензиясиз хизмат кўрсатган шифохона аниқланди

Рақобат қўмитаси клиникадаги текширувни бир она-болага сифатсиз тиббий хизмат кўрсатганидан сўнг ўтказган.

'Тошкентда болаларга лицензиясиз хизмат кўрсатган шифохона аниқланди'ning rasmi

Тошкент шаҳридаги Nazar Medical шифохонаси болаларга тегишли лицензиясиз стоматологик хизмат кўрсатиб келгани аниқланди. Бу ҳақда Рақобат қўмитаси хабар қилди.

Қайд этилишича, қўмитага фуқаро Ш. Г. мурожаат қилиб, фарзандлари ва аёлини Nazar Medical клиникасига тишларини даволатиш учун олиб борганини, бир неча кунлик муолажадан кейин сифатсиз хизмат кўрсатилгани сабабли пломбалари тушиб кетганини маълум қилди. У тўланган пулларни қайтариш ва клиникага нисбатан чора кўришни сўраган.

Мурожаат асосида Рақобат қўмитаси Nazar Medical клиникасини жалб қилган ҳолда текширув ўтказди. Корхона томонидан истеъмолчига тиббий хизмат кўрсатилгани ва улар амалдаги талабларга мувофиқ бажарилгани қайд этилди.

Шу билан бирга, истеъмолчилар ҳуқуқларини ҳимоя қилиш бўйича махсус ваколатли орган — Соғлиқни сақлаш вазирлигини жалб этган ҳолда ўрганишлар ўтказилди. Унда Nazar Medical клиникаси болалар терапевтик стоматологияси бўйича тиббий фаолият юритиш учун лицензияга эга эмаслиги маълум бўлди.

Эксперт хулосасига кўра, клиника беморга кўрсатилган стоматологик хизматни тегишли клиник протоколларга мувофиқ амалга оширмаган. Шунингдек, фуқаронинг фарзанди учун тегишли тиббий ҳужжатлар тақдим этилмаган.

Текширув натижасида тўпланган ҳужжатлар белгиланган тартибда кўриб чиқиш учун ваколатли органга юборилди. "Nazar Medical" МЧЖга нисбатан лицензия талабларини бузгани учун камчиликларни бартараф этиш ва амалга оширилган ишлар ҳақида маълумот тақдим этиш бўйича қарор чиқарилди.

    Бизни ижтимоий тармоқларда кузатиб боринг

    Бошқа янгиликлар

    'Тошкентда мудҳиш воқеа юз берди'ning rasmi

    Жамият 18.09.2025 00:39

    Тошкентда мудҳиш воқеа юз берди

    Скутер ва Spark тўқнашиши сабабли икки нафар шахс жароҳат олган.

    'Энди “Шифокорнинг рақамли ёрдамчиси” дастури йўлга қўйилади'ning rasmi

    Жамият 17.09.2025 19:06

    Энди “Шифокорнинг рақамли ёрдамчиси” дастури йўлга қўйилади

    Дастур сунъий интеллектга асосланган бўлиб, тиббий кўрик пайтида шифокор нутқини автоматик баёнлаштиради.

    'Ўзбекистонда инфекция тарқалиш хавфи борми?'ning rasmi

    Жамият 17.09.2025 18:24

    Ўзбекистонда инфекция тарқалиш хавфи борми?

    Санэпидқўмита бу ҳақда хабар берди.

    'Энди Green Card’га ариза топшириш пулли бўлади'ning rasmi

    Жамият 17.09.2025 16:10

    Энди Green Card’га ариза топшириш пулли бўлади

    АҚШ Давлат департаменти Diversity Visa (ДВ) яъни Green Card’га ариза топшириш учун 1 доллар тўлов жорий этилишини айтди.

    'Сурхондарёда суд ходими пора олаётган вақтида ушланди'ning rasmi

    Жамият 17.09.2025 12:30

    Сурхондарёда суд ходими пора олаётган вақтида ушланди

    У фуқарони ишга жойлаштириш ваъдаси эвазига 1000 доллар талаб қилган.

    'Жорий йилда ичимлик сувидан қарз бўлган 53,5 минг истеъмолчи тармоқдан узилди'ning rasmi

    Жамият 17.09.2025 10:50

    Жорий йилда ичимлик сувидан қарз бўлган 53,5 минг истеъмолчи тармоқдан узилди

    Сув тармоқларига ноқонуний уланишлар ортидан 76 млрд сўм зарар етказилган.