Санкциялар ва халқаро иҳоталангани боис Ғарб билан иқтисодий алоқалари чекланган Россия энди Афғонистон билан ҳамкорлик қилишга мажбур бўляпти. Жумладан, Афғонистондан газланган ичимликлар, энергетиклар, зираворлар, сабзавотлар, қимматбаҳо тошлар ва металлургия хомашёсини импорт қилишни бошлади. Бу ҳақда Кабулдаги Россия элчиси Дмитрий Жирнов маълум қилган.
Унинг сўзларига кўра, Афғонистон, аввало, Россияга қуруқ мевалар, майиз экспорт қилмоқда. Шунингдек, россияликлар афғон сабзавотлари ва узумларини ҳам харид қилаётгани, бироқ ҳозирча оз миқдорда экани таъкидланди.
«Жанубий Афғонистондан анор етказиб бериш йўлга қўйилди — уларнинг ўлчами икки муштдек катта. Россияда афғон заъфарони билан таниша бошланди. Уни Шарқнинг “қизил олтини” деб аташади», — дея мақтаган дипломат.
Унга кўра, Афғонситон, шунингдек, Россияга хром маъданлари, концентратлар, минераллар, ёқут ва зумрадлар ҳам етказиб бермоқда.
«Россия афғон зираворлари, газланган ва энергетик ичимликлари ҳамда доривор ўтлар импорт қилмоқда», — дея таъкидлаган элчи Жирнов.
Шунингдек, Афғонистон Россияга палов пишириладиган учун қозонлар ҳам юбормоқда.
Аввалроқ Жирнов икки давлат ўртасидаги товар айирбошлаш бир неча баробар ошганини билдирган эди.
Бундан олдин эса Путин Афғонистон билан муносабатларни ривожлантиришга умид билдирган.
Абдуллоҳ Саййид
