Самарқанд вилоятига олиб келинаётган 2 тонна гўшт йўқ қилинди. Бу ҳақда вилоят ИИБ ЙҲХБ хабар қилди.
2025 йил 14 февралдан 15 февралга ўтар кечаси Самарқанд вилояти Булунғур туманидаги «Юқори нуқта» ЙПХ масканида Наманаган-Самарқанд йўналишида ҳаракатланаётган Shineray T30 русумли автомашина тўхтатилди.
Текширув давомида 1997 йилда туғилган ҳайдовчи бошқарувидаги автомобиль юкхонасида 2 тонна мол гўшти борлиги аниқланди. Гўшт маҳсулотлари Самарқанд вилояти ҳайвонлар касалликлари ташхиси ва озиқ-овқат маҳсулотлари хавфсизлиги давлат марказида текширилганда, истеъмолга яроқсиз экани тасдиқланди.
Аниқланган маҳсулотлар белгиланган тартибда йўқ қилинди.
