Марҳум сиёсатчининг беваси Юлия Навальная “Алексей Навальний” мукофотини таъсис этиш ҳақида эълон қилди.
Маълум қилинишича, мукофот ҳар йили 4 июнь – Алексей Навальнийнинг туғилган кунида ёш сиёсатчилар ва маҳаллий ташаббуслар вакилларига топширилади.
Юлия эри Алексей билан ҳеч қачон унинг ишини давом эттириши мумкин бўлган вазиятни муҳокама қилмаганини таъкидлади.
"У таваккал қилишга тайёр эди, лекин менга бундай тақдирни раво кўрмасди ва ҳар доим мени ҳимоя қилишни истарди. Мен доимо хавф ичида яшаётганимизни билардим, Алексей эса ҳеч қачон ортга чекинмасди. Аммо мен буни ҳеч қачон тушунмаган эдим... 16 февраль куни тушундим. Мен Владимир Путин режими иложи борича тезроқ тугашини хоҳлайман. Мен орқага – уйга қайтишни орзу қиламан", — деди Навальная ўз нутқида.
