Фарғонада ариқдан номаълум боланинг жасади топилди.
Бош прокуратура матбуот котиби Ҳаёт Шамсутдиновнинг darakchi.uz'га хабар қилишича, Бешариқ туман прокуратурасига туман ИИБ навбатчилик қисмидан 24 март куни соат 21:00 да келиб тушган хабарга кўра, Бешариқ тумани "Қўрғонча" МФЙда жойлашган “Насибабону боғи рохат” фермер хўжалиги ҳудудидан оқиб ўтган махаллий ариқ ичидан эркак жинсли, осиё миллатига мансуб, ёши 1-2 лар атрофидаги вояга етмаган шахси номаълум мурда аниқланган.
Мазкур хабарга асосан шахси номаълум мурда аниқланган ҳудуд тезкор-тергов гуруҳи томонидан крим-техника воситалари ёрдамида кўздан кечирилиб, барча процессуал ҳаракатлар амалга оширилди ва ҳужжатлар расмийлаштирилган.
РСТЭИАМФФ Қўқон туманлараро бўлинмасининг 25 март кунги дастлабки хулосасига кўра, шахси номаълум мурданинг танасида тан жароҳатлари аниқланмаган ва унинг ўлимига “нафас йўлларини сув билан беркилиши натижасидаги меҳаник асфикция” сабаб бўлганлиги кўрсатилган.
Олиб борилган тезкор қидирув тадбирлари давомида вояга етмаган шахси номаълум мурдани шахсига аниқлик киритишнинг имкони бўлмаган.
"Мурданинг шахсини аниқлаш мақсадида "Фуқароларнинг бедарак йўқолганлиги ҳамда шахси номаълум мурдалар топилганлиги ҳақидаги ариза ва хабарлар юзасидан терговга қадар текширув, тергов ва тезкор қидирув фаолияти самарадорлигини янада ошириш тўғрисида"ги Қўшма кўрсатманинг талабларидан келиб чиқиб, тезкор-суриштирув ишлари ташкиллантирилди", - дейилади хабарда.
