2025 йил 11 апрель куни Самарқанд шаҳрида йўл-транспорт ҳодисаси юз берди. Бу ҳақда Самарқанд вилояти ИИБ ахборот хизмати маълум қилди.
Қайд этилишича, ушбу ҳолат соат 20:00 атрофида “Нурли йўл” маҳалласидаги “Рудакий” кўчасида содир бўлган.
1997 йилда туғилган фуқаро бошқарувидаги “Лаcетти” русумли автомобиль пиёдалар ўтиш йўлагидан йўлни кесиб ўтаётган фуқароларни уриб юборган.
Ҳодиса оқибатида бир нечта пиёда турли даражадаги тан жароҳатларини олган ва зудлик билан шифохонага етказилган. Уларга шифокорлар томонидан бирламчи тиббий ёрдам кўрсатилган.
Мазкур ҳолат юзасидан Самарқанд шаҳри бўйича ИИО ФМБ ҳузуридаги Тергов бўлими томонидан Ўзбекистон Республикаси Жиноят кодексининг 266-моддаси 2-қисми билан жиноят иши қўзғатилди.
Ҳайдовчига нисбатан “қамоққа олиш” эҳтиёт чораси қўлланилган.
