АҚШ президенти Доналд Трамп ва Украина президенти Владимир Зеленский Ватикан шаҳрида қисқа, 15 дақиқалик учрашув ўтказди.
“Дело” газетаси мазкур учрашувни “Украина ва Европа учун тинчликка эришиш йўлида ҳал қилувчи сана” деб атади.
“Rheinische Post” эса учрашув акс этган суратлар Трамп томонидан саҳналаштирилгани эҳтимолини билдирди, бироқ шунга қарамай, бу учрашув “умид учун сабаб” бергани таъкидланди.
Нашр, шунингдек, Трампнинг илгари Путин позициясини қўллаб-қувватлагани, аммо эндиликда ўз манфаатлари учун позициясини ўзгартириши мумкинлигини эслатди.
“Кöлнер Stadt-Anzeiger” газетаси Ватикан учрашувини рамзий кучга эга дея баҳолаб, оддий стулларда ўтказилган бу суҳбат сиёсий можаролар фонида умид уйғотганини қайд этди.
Бироқ “Bild” нашри эҳтиёткорона ёндашди. Газетага кўра, Трамп учрашувдан кейин Россия ҳақида салбий фикр билдирган бўлса-да, у Украинага ҳарбий ёрдам бермаслиги, фақат молиявий санкциялар билан чекланиши мумкин.
“Франкфуртер Allgemeine Sonntagszeitung “ эса АҚШнинг тинчлик музокараларида етакчи роль ўйнашига ишонмаяпти. Нашр фикрича, “Путинни тўхтатиш” мажбурияти энди Европа ва Германиянинг янги ҳукуматига юкланади.
