“Hamas” 2023 йил 7 октябрда асирга олинган Исроил аскари Идан Александрни озод қилишини эълон қилди.
Бу қарор АҚШ президенти Доналд Трампнинг Яқин Шарққа ташрифи арафасида маълум қилинди. Ҳаракат бу қадамни ўт очишни тўхтатиш ва Ғазога инсонпарварлик ёрдамини тиклаш бўйича музокараларнинг бир қисми деб атади.
Идан яқин 48 соат ичида озод қилиниши кутилмоқда. ҲАМАС Трамп бу орқали Исроил бош вазири Бенямин Нетаняхуни урушни тўхтатиш бўйича келишувга кўндиришига умид қилмоқда.
Трампнинг Яқин Шарқ бўйича вакили бу хабарни Иданнинг оиласига етказган. Трамп эса бу ҳаракатни “АҚШ ва воситачилар – Қатар ҳамда Миср – учун яхши ният белгиси” деб такидлади.
Исроил ҳукумати эса Иданнинг озод қилиниши учун ҳеч қандай имтиёз берилмаганини таъкидлаб, буни ҳарбий босим натижаси сифатида кўрсатмоқда. Ўт очишни тўхтатиш бўйича Исроил томонидан ҳеч қандай мажбурият олингани йўқ.
