Исроилнинг уч ойлик блокадасидан сўнг, “Ғазо Гуманитар Ёрдам Жамғармаси” (ГҲФ) Ғазо секторида озиқ-овқат тарқатишни қайта бошлади.
Аммо бу фаолият БМТ ва бир қатор мустақил ташкилотлар томонидан танқидга учради.
Жамғарманинг ёрдам марказлари Ғазонинг жанубида, Рафаҳ шаҳри яқинида жойлашган. Бироқ ёрдам олиш учун фуқаролар Исроил армияси – “ТАШАЛ” томонидан текширувдан ўтиши шарт қилиб қўйилган.
Бу эса халқаро экспертлар фикрича, Исроил “GHF” орқали аҳолини шимолдан жанубга кўчишга мажбурламоқчи, деган хавотирларни уйғотди.
Шунингдек, “GHF”собиқ раҳбари, АҚШ армияси фахрийси Жейк Вуд истеъфога чиқди. У фонд халқаро гуманитар принциплар – холислик, бетарафлик ва мустақилликка амал қила олмаганини тан олди.
“GHF” фаолияти бўйича Швейсарияда тергов ишлари бошланган. Айни дамда жамғарманинг қонунийлиги ҳам савол остида қолмоқда.
