Швейтсариянинг Бензауда жойлашган атом электр станциясининг (АЭС) биринчи блоки жазирама иссиқ сабабли вақтинча ёпилди. Бу ҳақда станция оператори “Ахпо” компанияси хабар берди.
Маълум қилинишича, АЭС реакторларини совитиш учун фойдаланиладиган Ааре дарёсининг суви ҳаддан ташқари қизиб кетган. Нормалда совитиш тизимидан ўтган сув яна дарёга қайтарилади. Аммо дарёдаги сув ҳарорати 25 даражадан ошиб кетгани учун, совитиш жараёнидан сўнг табиатга салбий таъсир кўрсатиши мумкин.
Ax компанияси бу чекловлар “экотизимни ҳимоя қилиш ва экологик нормаларга риоя этиш” мақсадида жорий этилганини таъкидлади.
Таъкидлаш жоизки, Бензауда бунақа ҳолат 2022 йилда ҳам кузатилган эди. Ўшанда ҳам бутун Европада аномал иссиқлар кузатилган ва ҳатто Франция ҳам ўз АЭСларида чекловлар жорий қилган эди.
