Италиянинг "Рома" клуби футболчиси ўзбекистонлик Элдор Шомуродов Туркиянинг "Истанбул Башакшеҳир" клубига кўчиб ўтди. Бу ҳақда Туркия клуби матбуот хизмати маълум қилди.
Қайд этилишича, Шомуродов "Истанбул Башакшехир"га 2,7 млн еврога сотиб олиш ҳуқуқи билан 3 млн еврога ижара асосида кўчиб ўтган. Элдор Шомуродов "Истанбул Башакшехир" билан 1+1 кўринишида шартнома имзолаган.
Маълумот учун, ижара муддати 2025-2026-йилги мавсум охиригача мўлжалланган бўлиб, унда футболчининг ҳуқуқларини тўлиқ сотиб олиш имконияти мавжуд.
Блогер Хушнудбек Худойбердиев ўзининг ижтимоий тармоқларидаги саҳифасида Элдор Шомуродов нима сабабдан "Рома" кетганига изоҳ берди.
“Элдор Шомуродов Туркиянинг “Башакшеҳир” жамоасига ўтибди. “Рома”да кўп захирада қолгандан кўра, доимий ўйин амалиёти бўлгани биз учун фойда. Омадини берсин!”, дея ёзади у.
Маълумот учун, Футбол бўйича Ўзбекистон миллий терма жамоаси сардори Элдор Шомуродов 2022 йилнинг 9 ойи давомида терма жамоалар миқёсида энг кўп гол урган футболчи бўлиб турган эди. Ҳужумчи ушбу даврда Ўзбекистон терма жамоаси сафида 9 та гол урган.
