АҚШ Ҳиндистонни Россиядан нефть импортини давом эттираётгани учун кескин танқид остига олди. Дональд Трамп “бу ҳолат қабул қилиб бўлмаслигини” айтган.
Оқ уй вакили Стивен Миллернинг сўзларига кўра, Ҳиндистон Россиядан нефть хариди ҳажми бўйича Хитой билан деярли тенглашган.
АҚШ расмийлари агар Украина бўйича яқин 10 кун ичида тинчлик келишуви тузилмаса, Россия билан савдо қилаётган давлатларга нисбатан 100 фоизлик иккиламчи бож жорий этилишини билдирган.
Аллақачон Ҳиндистонга нисбатан 25 фоизлик бож қўлланилди. Ҳиндистон ҳукумати эса бу борадаги танқидларга ҳозирча расмий муносабат билдирмади.
