Хитойда чивин орқали юқадиган касаллик авж олмоқда. Беморлар сони 7 мингга етган. Бу ҳақда BBC хабар берди.
Маълум қилинишича, энг кўп касаллик қайд этилган ҳудуд Фошан шаҳри бўлиб, вирус одатда иситма ва кучли бўғим оғриғига сабаб бўлади.
Сўнгги ҳафтада мамлакатда деярли 3 мингта янги ҳолат аниқланган. Вирус инфексияланган одамни чаққан чивин орқали тарқалади. Шунга қарамай, Хитойда бу вирус юқумли эмаслиги ҳақида расмий баёнот берилган.
Касалларнинг 95 фоизи бир ҳафта ичида соғайиб кетмоқда. Аммо касаллик ҳақидаги маълумотнинг камлиги одамлар орасида хавотир келтириб чиқарган.
“Бу жуда қўрқинчли. Узоқ давом этадиган оғриқлар жуда азобли бўлса керак”, деб ёзган интернет фойдаланувчиларидан бири.
Қўшни Гонгконгда 12 ёшли болада Фошан шаҳри сафаридан қайтгач иситма, тошма ва бўғим оғриғи белгиларини намоён қилган.
Бу орада АҚШ ўз фуқароларини Хитойга сафар қилишда ҳушёрликка чақирмоқда. Ҳукумат вирус тарқалишини чеклаш учун COVID-19 пандемиясидаги каби қатъий чораларни қўлламоқда.
