Америка Қўшма Штатларининг Пенсильвания штатида жойлашган “Moshannon Valley Processing Center” муассасасида Хитой фуқароси Chaofeng Ge ўлик ҳолда топилди. Бу ҳақда “ABC news” маълум қилди.
Қайд этилишича, хитойлик махбус АҚШнинг иммиграция ва божхона назорати хизмати – ICE томонидан ҳибсга олинган ва атиги 5 кун муқаддам шу марказга жойлаштирилган.
32 ёшли Гe душхонада бўйин қисмидан осилган ҳолатда аниқланган. Тергов давомида воқеа жойидан ёзилган хат топилган ва ҳеч қандай жиноят излари аниқланмаган. Мутасаддилар бу ҳолатни ўз жонига қасд деб баҳоламоқда.
Маълумот учун, Чаофенг Ге январь ойида кредит карта фирибгарлигида гумон қилиниб, полиция томонидан ҳибсга олинган. У жиноятни тан олган ва 6 ойдан 12 ойгача озодликдан маҳрум этилган.
Аммо суд ҳукми чиқарилган заҳоти ICE контейнери асосида у иммиграция марказига топширилган.
ICE матбуот хизмати ҳодисага муносабат билдириб, ҳибсдаги шахслар учун тиббий ва руҳий саломатлик текширувлари ўз вақтида ўтказилишини таъкидлади. АҚШ Ички хавфсизлик департаменти (ДҲС) эса бундай ўлим ҳолатлари жиддий назорат остида ўрганилишини айтди.
Мазкур воқеа ICE марказларида муҳожирлар билан қандай муносабатда бўлинаётгани, у ерда руҳий саломатликка қанчалик эътибор қаратилаётгани борасида яна бир бор саволларни ўртага чиқармоқда.
