Немис полиция касаба уюшмаси вакили Ҳаген Ҳусгеннинг айтишича, хизмат биноларида йиллар давомида таъмирланмаган ҳожатхоналар, иш жойларида моғор, зарарли ҳашаротлар, ишламайдиган иситиш тизимлари ва ёмғир ўтиб кетадиган томлар мавжуд.
Унинг сўзларига кўра, патруль автомобиллари ҳам ачинарли аҳволда: йиртиқ ўриндиқлар, ярим миллион километргача юрган ва узатмалар қутиси носоз машиналарда хизмат кўрсатишга тўғри келади. Бу эса фуқароларда полиция ҳақида яхши таассурот қолдирмайди.
Касаба уюшмаси ҳукуматдан мавжуд махсус хавфсизлик фондидан маблағ ажратишни, шунингдек, ерлар (минтақалар)га молиявий ёрдамни оширишни талаб қилмоқда.
