2024-2025 ўқув йили бошида умумий ўрта таълим ташкилотларида фаолият юритаётган ўқитувчилар сони 564,9 минг нафарни ташкил этди. Бу ҳақда Миллий статистика қўмитаси хабар берди.
Билдирилишича, 2015-2016 ўқув йили билан таққослаганда уларнинг сони 43,4 фоизга ошган. Ўқитувчиларнинг 71 фоизи ёки 401,3 минг нафарини аёллар, 29 фоизи 163,6 минг нафарини эркаклар ташкил этган.
Умумий ўрта таълим ташкилотларида фаолият юритаётган ўқитувчилар сони 2021-2022 ўқув йили бошига – 510 минг нафар, 2022-2023 ўқув йили бошига – 521,6 минг нафар, 2023-2024 ўқув йили бошига – 547,8 минг нафар, 2024-2025 ўқув йили бошига – 564,9 минг нафарни ташкил этган.
