Ғазо ҳукумати матбуот идораси маълумотига кўра, 7 октябрь куни тўлиқ икки йил бўладиган можаро давомида 20 мингдан ортиқ бола, 12 минг 500 дан зиёд аёл ва юзлаб тинч аҳоли вакиллари ҳаётдан кўз юмган.
Шунингдек, 460 киши, жумладан 154 бола очлик ва озиқ-овқат танқислиги сабаб вафот этган, 17 киши эса совуқдан музлаб ҳалок бўлган. 7 октябрдан бери ўлган фаластинликлар сони 67 мингдан ошган, бедарак йўқолганлар билан бу рақам 76 мингдан ортиқни ташкил этади.
Исроил ҳужумлари соғлиқни сақлаш ва таълим тизимларини ҳам издан чиқарган — 38 та шифохона вайрон қилинган, 668 та мактаб бомбаланган, 13 мингдан ортиқ ўқувчи ва юзлаб ўқитувчилар ҳалок бўлган.
Ғазо ҳукумати баёнотида Исроилнинг сўнгги икки кунда амалга оширган 130 дан ортиқ ҳужумлари оқибатида яна 94 киши, жумладан аёллар ва болалар ҳалок бўлгани, бу эса “Фаластин халқига қарши давом этаётган босқиннинг бир қисми” экани қайд этилган.
