UEFA Чемпионлар Лигаси 5-турининг марказий учрашувида “Арсенал” ўз майдонида “Бавария”ни 3:1 ҳисобида мағлуб этди. Артета жамоасининг кучли ўйини “Бавария”нинг турнирдаги илк мағлубиятига сабаб бўлди.
Матчнинг биринчи ярим соатиёқ томошабинлар голига бой ўтди: 22-дақиқада Букайо Саканинг бурчакдан йўллаган узатмасини Юрриен Тимбер бош билан дарвозага йўллаб, ҳисобни очди. 10 дақиқадан сўнг эса Серж Гнабрининг узатмасини голга айлантирган Леннарт Карл ҳисобни тенглаштирди.
Иккинчи бўлимда Артета амалга оширган ўзгаришлар ўз самарасини берди. 69-да Нони Мадуэке жамоасини яна олдинга олиб чиқди, 77-да Габриэль Мартинелли тезкор қарши ҳужумни гол билан якунлаб, ғалабани мустаҳкамлади.
Бу натижадан сўнг “Арсенал” беш турдан кейин 15 очко билан гуруҳда мутлақ пешқадамга айланди. “Бавария” эса учинчи поғонага тушиб кетди. Кейинги турда мюнхенликлар “Спортинг”ни қабул қилади, “Арсенал” эса сафарда “Брюгге”га қарши майдонга тушади.
