Шофиркон туманида яшовчи 26 ёшли эркак уйида пуллик хизматлар учун хона ажратгани аниқланиб, суд томонидан жазога тортилди.
Тезкор тадбир вақтида у танишларига уйидаги хонани 200 минг сўм эвазига бергани маълум бўлган. Суд жараёнида эркак қилган ишидан пушаймонлигини билдириб, айбини тўлиқ тан олган.
Шофиркон туман судининг ҳукмига кўра, у Жиноят кодексининг 131-моддаси (фоҳишахона сақлаш ёки қўшмачилик қилиш) бўйича айбли деб топилиб, 2 йил 6 ой озодликни чеклаш жазоси тайинланган.
Суд жараёнида олинган 200 минг сўм пул далил сифатида давлат ҳисобига ўтказилган. Айбни тан олиши ва пушаймонлиги эса енгиллаштирувчи ҳолат сифатида қайд этилган.
