18 декабрь куни Туркистон вилояти Келес туманига қарашли Қошқарота қишлоғида Келес дарёси устида жойлашган кўприк қулаб тушди. Бу ҳақда туман ҳокимлигига таяниб, “Орда.kz” хабар берди.
Маълум қилинишича, ҳодисадан олдин кўприкда ёриқлар пайдо бўлгани сезилиб, хавфсизлик мақсадида транспорт ҳаракати тўхтатилган. Айни пайтда воқеа жойида фавқулодда вазиятлар хизмати, ички ишлар органлари ҳамда маҳаллий ҳокимият вакиллари иш олиб бормоқда.
Дастлабки хулосаларга кўра, кўприкнинг қулашига унинг узоқ йиллар давомида фойдаланилгани ва таянч устунлари остининг сув оқими таъсирида ювилиб кетгани сабаб бўлган. Кўприк ҳозирда фавқулодда тартибда таъмирланмоқда.
Айни вақтда ҳайдовчиларга Алпамыс ва Биртилек қишлоқ округлари орқали 10–15 километрли айланма йўллардан фойдаланиш тавсия этилган.
