Марк Карнининг таъкидлашича, мазкур молиявий ёрдам Украинага Халқаро валюта жамғармаси (ИМФ), Жаҳон банки ҳамда Европа тикланиш ва тараққиёт банкидан қўшимча молиялаштириш жалб қилиш имконини беради ва мамлакат иқтисодий барқарорлигини қўллаб-қувватлайди. “Бу маблағлар тикланиш жараёнини бошлашга ёрдам беради”, — деди Канада бош вазири. 

Зеленский Канадага кўрсатилаётган ёрдам учун миннатдорлик билдириб, Россияга нисбатан халқаро босимни кучайтириш зарурлигини таъкидлади. Шунингдек, у Канада билан Украинага ҳаво ҳужумидан мудофаа тизимларини кучайтириш масаласини ҳам муҳокама қилишини айтди. 

Аввалроқ Канада Украинага киберхавфсизликни мустаҳкамлаш мақсадида Таллинн механизми доирасида 92 миллион гривнадан ортиқ маблағ ажратиши ҳақида ҳам хабар берилган эди.