Uzbekistan Airways 2026 йил январь ойидан бошлаб ички авиарейсларда йўналиш кетма-кетлиги бузилган тақдирда қўлланиладиган янги қоидаларни эълон қилди.
Янги тартибга кўра:
Агар йўловчи парвознинг биринчи ёки ундан олдинги қисмидан фойдаланмаган бўлса, авиакомпания кейинги барча йўналиш қисмлари учун бронни бекор қилмайди. Йўловчи чиптада кўрсатилган қолган йўналиш бўйича парвозни давом эттириши мумкин.
Бундай ҳолларда, чиптани тўлаш учун қўлланилган тариф туридан қатъи назар, йўловчи фойдаланмаган қисмларнинг қиймати қайтарилмайди. Фақатгина фойдаланилмаган парвоз қисмлари учун аэропорт йиғимлари қайтарилиши мумкин.
Фойдаланилмаган парвоз қисмларига эга чипталар қайта расмийлаштириш учун қабул қилинмайди. Халқаро рейслар учун стандарт қоидалар амал қилади:
Йўловчи йўналишнинг биринчи ёки ундан олдинги қисмига келмаган тақдирда, кейинги барча йўналишлар учун бронь йўловчини огоҳлантирмасдан автоматик равишда бекор қилинади.
Йўловчи чиптани тўлашда қўлланилган тариф қоидаларига мувофиқ, ихтиёрий қайтариш ёки қайта расмийлаштириш шартлари асосида чиптани қайта расмийлаштириши ёки қайтариши мумкин.
