Ҳиндистоннинг жанубидаги Телангана штатида кучли жазирама иссиқ оқибатида камида 16 киши ҳалок бўлди. Бу ҳақда Zamon.uz хабар берди
Расмийлар маълумотига кўра, қурбонлар иссиқ уриши сабабли вафот этган. Ҳудудда ҳаво ҳарорати айрим жойларда 45 даражадан ошиб кетмоқда.
Шу муносабат билан штат ҳукумати фавқулодда йиғилиш ўтказиб, вазиятни муҳокама қилди ҳамда аҳоли учун огоҳлантириш эълон қилди.
Фуқароларга зарурат бўлмаса, кундузги вақтда ташқи муҳитга чиқмаслик, кўпроқ сув истеъмол қилиш ва иссиқдан эҳтиёт бўлиш тавсия этилган.
Ҳиндистон метеорология бошқармаси аввалроқ Жанубий Осиёнинг ушбу қисмида иссиқ тўлқини камида 26 майгача давом этишини маълум қилган эди.
