Жиззах вилояти Ш.Рашидов тумани ҳокимлиги ходими тадбиркорга 45 сотих ер майдонини олиб бериш ва унинг танишини ишга жойлаштириш эвазига 500 доллар талаб қилган вақтида қўлга олинди.
Терговга қадар текширувларда у аввал ҳам шу масала бўйича 3,5 миллион сўм олиб, шахсий эҳтиёжлари учун сарфлаб юборгани аниқланган.
Фарғона вилоятида эса хусусий тижорат банкларидан бири раҳбари фуқарога 2,5 миллиард сўмлик кредит ажратиб бериш эвазига кредит суммасининг 5 фоизи — 125 миллион сўм талаб қилган.
Тезкор тадбирда у 10 минг АҚШ долларини олаётган вақтда ушланган.
Ҳар икки ҳолат юзасидан жиноят ишлари қўзғатилиб, тергов ҳаракатлари олиб борилмоқда.
