Маълум қилинишича, ҳолат бугун, 2 июнь куни тунги вақтда шаҳарнинг Ишчилар маҳалласи ҳудудида, Навоий шоҳ кўчаси устида жойлашган кўприкда содир бўлган.
2007 йилда туғилган М.М. оила аъзолари ўртасидаги келишмовчилик сабабли руҳий ҳолати ўзгариб, ўзини кўприкдан ташлаш билан таҳдид қилгани айтилмоқда.
Воқеа жойига зудлик билан тергов-тезкор гуруҳи ҳамда ҳамкор ташкилотлар етиб бориб, йигитни хавфсизликка олишган ва кўнгилсиз ҳолатнинг олди олинган.
Ҳозирда ҳолат юзасидан текширув ишлари олиб борилмоқда.
Эслатиб ўтамиз, аввалроқ шу кўприкда яна бир шунга ўхшаш ҳолат қайд этилгани маълум қилинган эди.
