Ўзбекистоннинг доимий аҳолиси сони 2026 йил 1 январь ҳолатига кўра 38,2 миллион нафарга етди. Бу ҳақда Миллий статистика қўмитаси маълум қилди.
Қайд этилишича, мамлакат аҳолисининг асосий қисмини меҳнатга лаёқатли ёшдагилар ташкил этмоқда. Уларнинг сони 21,3 миллион нафар бўлиб, жами аҳолининг 55,8 фоизига тенг.
Шунингдек, меҳнатга лаёқатли ёшдан кичик аҳоли сони 12,3 миллион нафарни ташкил этган. Бу кўрсаткич мамлакат доимий аҳолисининг 32,1 фоизига тўғри келади.
Меҳнатга лаёқатли ёшдан катталар сони эса 4,6 миллион нафар бўлиб, аҳолининг 12,1 фоизини ташкил қилган.
Шундай қилиб, статистик маълумотлар Ўзбекистон аҳолисининг ярмидан кўпи меҳнатга лаёқатли ёшда эканини кўрсатмоқда.
