Ўзбекистон Президенти Администрацияси раҳбари Саида Мирзиёева МАГАТЭ бош директори Рафаэль Гросси билан учрашув ўтказди. Суҳбатда миллий ядро энергетикаси инфратузилмасини ривожлантириш ва соҳада кадрлар тайёрлаш масалалари муҳокама қилинди.
Маълум қилинишича, Рафаэль Гросси Жиззах вилоятида атом электр станцияси қурилиши бошланишига бағишланган маросимда иштирок этиш мақсадида Ўзбекистонга ташриф буюрган.
Учрашув давомида томонлар МАГАТЭ билан ҳамкорликнинг устувор йўналишларини муҳокама қилди. Хусусан, миллий ядро энергетикаси инфратузилмасини яратиш, ядровий тиббиётни ривожлантириш ҳамда соҳа учун юқори малакали кадрлар тайёрлаш масалаларига алоҳида эътибор қаратилди.
Саида Мирзиёева мазкур йўналишлардаги ҳамкорлик Ўзбекистонда атом энергетикасини хавфсиз ва самарали ривожлантиришда муҳим аҳамият касб этишини таъкидлади.
