АҚШ Президенти Дональд Трамп Эрон ҳудудидаги нишонларга қарши янги ҳарбий зарбалар бериш бўйича кўрсатма берган. Бу ҳақда АҚШ Мудофаа вазири Пит Хегсет маълум қилди.
Унинг айтишича, Америка ҳарбийлари тун давомида Эронга тегишли объектларга зарбалар беришни давом эттиради. Хегсет мазкур операциялар Президент Трампнинг топшириғи асосида амалга оширилаётганини билдирган.
“АҚШ Эронга қаттиқ зарба беради”, деган Пентагон раҳбари.
Унинг таъкидлашича, ҳарбий амалиётларнинг асосий мақсадларидан бири Теҳронни музокаралар столига қайтаришдан иборат.
Хегсет Вашингтон Эронга нисбатан босимни кучайтириш орқали минтақадаги хавфсизликка таҳдид солувчи ҳаракатларни чеклашни кўзлаётганини ҳам қайд этган.
Айни пайтда Эрон томони расмийлари мазкур баёнот юзасидан ҳозирча муносабат билдирмаган.
Сўнгги кунларда Яқин Шарқдаги вазият кескинлашиб бораётгани кузатилмоқда. АҚШ ва Эрон ўртасидаги қарама-қаршилик фонида халқаро ҳамжамият томонларни вазминликка чақирмоқда.
