Бугун, 14 июнь куни 2026 йилги футбол бўйича жаҳон чемпионати “C” гуруҳи 1-туридан ўрин олган Бразилия ва Марокаш терма жамоалари ўртасидаги учрашув 1:1 ҳисобида якунланди.
Баҳсда ҳисобни 21-дақиқада марокашлик ярим ҳимоячи Исмоил Сайбари очди. У дарвозабон Алиссон устидан усталик билан тўпни ошириб, жамоасини олдинга олиб чиқди. 32-дақиқада эса Винисиус Жуниор ҳисобни тенглаштирди.
Шу тариқа, ҳар икки жамоа мусобақадаги иштирокини бир очкодан бошлади.
Кейинги турларда Бразилия 20 июнь куни Гаитига қарши, 25 июнь куни эса Шотландия билан майдонга тушади. Марокаш эса 20 июнь куни Шотландияга қарши, 25 июнь куни Гаитига қарши ўйнайди.
Гуруҳнинг иккинчи учрашувида Гаити ва Шотландия терма жамоалари тўқнаш келади. Баҳс 14 июнь куни Тошкент вақти билан соат 06:00 да бошланади.
