АҚШ ва Эрон ўртасида бутун фронт бўйлаб ўт очишни тўхтатишга қаратилган ўзаро англашув меморандуми келишиб олинди. Бу ҳақда халқаро оммавий ахборот воситалари хабар бермоқда.
Маълум қилинишича, томонлар жанговар ҳаракатларни тўхтатиш масаласида келишувга эришган. Меморандум Ливан ҳудудини ҳам қамраб олади. Бироқ Исроил мазкур келишувга қўшилиши ёки уни қўллаб-қувватлаши юзасидан ҳозирча аниқ баёнот бермаган.
Шу билан бирга, Эроннинг ядровий дастури билан боғлиқ масалалар очиқлигича қолмоқда. Манбаларга кўра, мазкур йўналиш бўйича томонлар ўртасида ҳозирча алоҳида келишув мавжуд эмас.
Қайд этилишича, ўт очишни тўхтатиш бўйича эришилган англашув минтақадаги кескинликни юмшатишга қаратилган навбатдаги дипломатик қадам сифатида баҳоланмоқда. Бироқ келишувнинг амалий ижроси ва унга бошқа иштирокчиларнинг муносабати яқин кунларда маълум бўлади.
