Хоразм вилоятининг Ҳазорасп туманида маҳалла ҳоким ёрдамчиси фуқарони олий таълим муассасасига ўқишга киритиб қўйишни ваъда қилиб, 1400 АҚШ доллари олган вақтида қўлга олинди.
Бош прокуратура ҳузуридаги Департамент маълум қилишича, Ҳазорасп туманидаги “Зиёлилар” маҳалласи ҳоким ёрдамчиси И.Р. фуқаро Д.Р.ни Тошкент гуманитар фанлар университетига ўқишга киритишини айтган.
Қайд этилишича, у мазкур хизмат эвазига 1400 АҚШ доллари талаб қилган. Тезкор тадбир давомида ушбу маблағни олган вақтида ашёвий далиллар билан ушланган.
Мазкур ҳолат юзасидан унга нисбатан Жиноят кодексининг 168-моддаси (фирибгарлик) ҳамда 28, 211-моддалари (пора беришга далолат қилиш) билан жиноят иши қўзғатилган. Ҳозирда тергов ҳаракатлари олиб борилмоқда.
